日期:2015年11月18日

水域:西貢東水

天氣:晴,微風

釣獲:捕獲接近100隻外星生物,放生左2X隻

IMG_6747

素來都聽聞東水魷夠力又好玩,今日終於體驗到了。我地幾個人早幾個星期前已Book好左大傑船長今日既檔期,當日老早就入左去布袋澳碼頭上船。初到達東水一個釣點時,魷魚不太密口,Fit一陣才中到一兩隻,過左一陣無咩進展後,船長就轉位;去左一個位置後,據船長所講,果度平時風大是去唔到既,今日天氣唔錯收晒風才去到,話會好好釣呢。果然向礁石位掟過去,一落到底,就攬了,你又中,我又中,個個都中,隻隻都係2X cm以上的良型呢!

IMG_6748

中魷此起彼落之時,突然傳來來一下很強的拉扯感,一抽立即滿弓,肯定呢隻實係巨物,正使出吃奶的力氣與牠搏鬥之際,突然虛絲了,甩左……唔係下化…大傑船長見到後,就教左我一些拉大魷的Tips,就係要抽佢時再鞭實佢,但又唔可以用力過狠,否則會整斷鬚,力度要自己摸索下了。之後我也學懂了掌握此種鞭鞭用陰力既奧義,幾乎無乜再甩魷,受教了,多謝船長。

IMG_6739

我地幾個人今日都試左好多唔同既餌木,包括490,響蝦,大陸妹都試左,咩色都得;而其中最為得食既係自然藍色呢。

IMG_6740

全賴船長既精準帶位,及勤力轉位!今日平均每人都有近2X Hit,合共都接近有100 Hit,有部份已放生了;東水魷果然名不虛傳,隻隻都好好力水出晒Drag;好累呀,但手軟得黎又充滿歡愉,每人都一大袋魷,而且又學到更多野呢,大滿足啊今日。

IMG_6741 IMG_6751

爛釣王

爛釣王

可以每星期連續七日都去左釣,爛釣之王當之無愧。
爛釣王

Latest posts by 爛釣王 (see all)