5月30日北水豪爺fit魷團
好耐冇fit魷啦…於是搵豪爺出去boat fit
今次既釣友:呀黎,R師姐,全爺,蚊爺,生爺,我,8點已經到左聯益碼頭落艇set架生,出發啦…途中在繩網內有魚打水懷疑係煙仔或章紅仔,想換假餌釣佢既時候已經群魚走左啦…之後算啦…直出蚊灣同長短咀fit下先,一去到R師姐fit幾槍已經有收穫中返幾隻魷,再入大浪西個邊fit都有,之後去到一個由30零尺至50尺既暗口位(豪爺講既暗口可能跌級位或暗排),一掟隻蝦出去,一到底fit幾槍…未中,突然間隔離師兄師姐個個中魷,有隻係36cm(生爺中架,係佢紀錄魷),個個忙緊撈魷,咁我繼續fit啦…再掟隻蝦出去…到底…fit…帶絲實左…一抽……中…!!

IMG-20160530-WA0182

慢慢收到水面突然後面有隻好大既識走既白影(大尾魷),我叫大家…喂有魷後面追緊過黎呀…個個準備掟蝦落去,之後過黎攬住我隻魷,之後豪爺掟隻蝦落去,然後見隻魷游過去豪爺隻蝦到…一攬…實左…中……!!狂出drag,佢就爽啦…玩左5分鐘左右(目測三十幾cm),之後繼續fit,慢慢疏口啦…之後趁呢段時間就大家食飯先,然後再fit過。

IMG-20160530-WA0193

食飽啦…再去其他位玩,都好疏口再入赤洲弓洲都係得D小朋魷,開心既時間過得特別快係時候又要講拜拜,今日d魷好好爆又好力,以為去左東水玩添😂😂😂,返到去漁排度豪爺中既大尾魷,原來有42cm架(巧大隻呀…)仲比豪爺破左自己個人紀錄魷42cm大尾魷,豪爺你係勁既…!今日個人自己中左十零隻左右,過足手癮,中魷既感覺返晒黎😍😍😍🤗🤗今日自己比魷顏射,哈哈…!

20160530_171723 IMG-20160530-WA0197 IMG-20160530-WA0270

Gary Lee

Gary Lee

HKEGI同好會創辦人,最叻攪攪震,無野就搵野黎攪,話佢係個大忙人又得,大閒人都得。
Gary Lee